有說囡囡就係爸爸嘅前世情人，而張繼聰自從前世情人張靖(KaKa Ball)出世後，佢已經呷醋外父上身咁，係囡囡未夠三個月就已經話：「諗到佢將來有男仔拖佢手我已經嬲，仲叫我準備嫁妝？我要獨霸佢十年八載。」(新聞連結： https://bit.ly/2MhRed1 )

呢位呷醋外父真係講得出，做得到，噚晚佢就喺ig上載咗一段短片，片中就係佢都囡囡KaKa Ball點樣拒絕啲男仔喇！

片中見到1歲多嘅KaKa Ball坐喺地下，然後就傳嚟爸爸張繼聰嘅聲音，但係KaKa就坐唔穩，差啲跌咗係到，大叫咗一聲：「哎呀！」之後就好叻豬咁自己坐番正，然後爸爸就：「坐低先，嚟1、2、3...哼呀...」然後KaKa Ball就繞住手仔，側側地咁望住鏡頭：「哼咗一聲！」而爸爸就好安樂咁留言話：「好努力教妹妹第日d o靚仔想約佢去街嘅反應#哼 #依家放心哂#有佢媽咪嘅風范(範)」。

精選娛聞，喺晒《娛果》
http://fb.com/appledailyent