【失敗個案】
樓市癲狂，有錢都唔代表買到樓。由去年起，發展商以一手樓賣二手價作招徠，吸引數以百計的準買家瘋狂入票搶新盤。新盤往往收票首日經已出現超額認購，截票時更出現幾十人爭一個單位，準買家最終能否置業要視乎抽獎運，有人抽超過10次都買唔到樓，亦有人一抽即中。
這名「運滯叔」──將軍澳居民吳先生等候峻瀅II賣樓期間稱，覺得將資金存入銀行回報低，買賣股票又耗費心神，所以長期於內地及日本投資物業，收租獲穩定回報。去年中開始入票認購新盤，由大埔嵐山、東涌東環、日出康城緻藍天、油塘Peninsula East通通有入飛，豈料運氣欠佳，至今已抽籤超過10次都未能購入新樓。
以大埔嵐山為例，因每批推出伙數少，他指「抽了3、4次」，仍屢敗屢戰，早前再入票認購峻瀅II兩房單位。不過，據了解最後因為籌號太後，揀樓時僅餘少量單位，無法揀到心儀單位而空手而回。

反而居於九龍的梁小姐，第一次抽新樓，一抽就中10號前籌，購入峻瀅II中層G室兩房單位自住，涉約560萬元。於《愛回家》飾演律師行職員Tyson的藝人謝可逸，斥近600萬元購入單位，指項目位置近電視城返工，打算用作宿舍。