當年今日
關於我們
【黎小田病逝】鄭丹瑞探胞姊得知好友離世感愕然:佢係一位天才
蘋果日報 2019/12/01 10:31
鄭丹瑞
病逝
黎小田
入行初期在節目《家燕與小田》工作的旦哥鄭丹瑞,今早九時多在聖保祿醫院現身,他前來探望胞姊,之後離開時獲知好友兼舊柏檔黎小田離世消息,感到愕然,旦哥說:「同小田喺麗的年代合作,好熟,我寫《天蠶變》劇本時,佢搞音樂,大家好多合作。」旦哥知道小田近期抱病在身,並說:「有次喺街撞見小田,當時知佢好返少少,精神狀態ok,講咗兩句。」旦哥表示不知道小田患甚麼病,亦不便問他,只感到好可惜。
說起二人的難忘經歷,旦哥說:「好記得大家打仗,麗的同無綫,我寫劇本,佢啲歌一寫就中,我哋當時要講故仔佢聽,佢一聽完第二日就會有個好啱嘅Melody,畀返我哋,好快好勁好玩得,係一位天才。」旦哥太太也曾在麗的當導演,所以曾經和小田合作,並透露:「以前麗的年代經常出嚟聚會,近年每年都有麗的聚會,早期有見小田嚟聚舊,近年以為佢工作忙或者退休,少見佢出現。」
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
旦哥鄭丹瑞今早現身醫院探望胞姊,得知好友離世後感到愕然。(攝:陳俊強)
旦哥表示初入行已經與黎小田合作。