【過百間響應】狄以達搵港隊運動員拍教學片 免費畀學校推廣體育
蘋果日報 2020/03/10 18:18
義助狄以達
狄以達與多位香港精英運動員一齊拍攝運動短片，於網上教授小朋友在家中做運動鍛鍊身體，今日其旺角教學中心開張，香港長跑運動員陳家豪、羽毛球代表葉姵延、跳高運動員楊文蔚及舞蹈老師吳卓欣，亦到場出席支持。達仔表示，因為肺炎疫情而停課的學生，未能有適量的運動，所以他邀請了十多位現役運動員，共拍攝60集運動教學短片，免費提供予有需要的學校使用，達仔說：「主要係拍畀小學、幼稚園學生睇，而家有近100間學校使用我哋嘅片，我哋會免費畀佢哋喺內聯網播放，因為有學校擔心商業元素或政治色彩，所以我哋都係唔收錢，不過，辦呢個課程好有意義。」
達仔有3間舞蹈教學中心，因為肺炎疫情而停課整個月，他說:「蝕錢6位數一定有，小朋友戴口罩跳都辛苦，而家陸逐家長帶返嚟上堂，我哋做小班教學。我哋有諗過做網上教學，試咗兩星期，有互動叫學生拍番片畀我哋，反應正面而且開心啲。」
採訪：張明、攝影：葉君海
《果GYM》隨身播 健身壹App過！
狄以達與多位香港精英運動員一齊拍攝運動短片，於網上教授小朋友在家中做運動鍛鍊身體。
羽毛球代表葉姵延
長跑運動員陳家豪
跳高運動員楊文蔚
舞蹈老師吳卓欣
狄以達邀請了十多位現役運動員，共拍攝60集運動教學短片，免費提供予有需要的學校使用。
達仔說：「主要係拍畀小學、幼稚園學生睇，而家有近100間學校使用我哋嘅片。」