喺呢個世代歌手真係唔易做，如果家底好就梗係有著數啦！起碼唔使養家吖嘛，不過佢哋大多都唔想家境曝光，無他嘅......有個「富二代」身份唔夠實幹吖嘛！

林峯
喺大台拍劇出身嘅林峯，不時幫劇集唱主題曲，而喺07年仲正式加入樂壇，林峯無論拍劇定唱歌都有番咁上下成就。不過都唔夠佢爸爸犀利，林爸爸林華國係廈門著名地產商，仲有「廈門李嘉誠」之稱，有指佢坐擁20億地產王國o添！

麥浚龍
Juno麥浚龍2002年出道，其父係中建電訊集團主席麥紹棠嘅身份隨之而公開，保守估計麥紹棠至少有十億身家。而麥紹棠曾經喺2002年同劉德華因為製作公司嘅合約問題而入稟法庭。

陳慧琳
Kelly陳慧琳早已經係樂壇天后，不過佢爸爸陳崇偉仲勁，從事珠寶生意嘅佢喺中環太子大廈開設珠寶店「Chen Brothers Arts Company」，住喺東半山司徒拔道碧蕙園，而陳崇偉行事低調。

朱紫嬈
2010年出道嘅朱紫嬈，出道時被拍喺富家女，自稱「住佐敦」、「無司機」，不過其父係太子珠寶鐘錶執行董事鄧麗萍及朱繼陶嘅細女，而鄧鉅明係佢舅父，真正「富二代」。