當年今日
關於我們

【韓流】《男朋友》掀煲劇熱 喬妹 朴寶劍感情升溫

蘋果日報 2018/12/14 07:59

宋慧喬黃Viu煲劇平台宋仲基男朋友

由韓國女神宋慧喬孖朴寶劍主演嘅tvN新劇《男朋友》於上月28號喺韓國首播,港劇迷可於「黃Viu煲劇平台」追看,劇集將緊貼韓國免費播放,每逢周三及周四韓國首播後4小時後可收看,大約於香港時間深夜1時半播出。
《男朋友》上月一開播,收視即以8.683%創下tvN歷年水木劇嘅收視冠軍,第二集收視更節節上升,極速突破雙位數,以10.329%收視再創佳績。呢個星期三同四《男朋友》就播出第5及第6集,當中第5集就講到首爾市長嘅女兒車秀賢(宋慧喬飾)喺古巴遇上平凡青年金振赫(朴寶劍飾),兩人喺呢兩集感情有新進展,朴寶劍更向喬妹再次表明心意,表示:「我不是開玩笑,我決定要做一個對代表(喬妹)有意義嘅人。」兩人再次相遇,朴寶劍大膽問喬妹:「我們在這曖昧嘅時候再見面怎麼樣?」猶疑嘅喬妹含淚話:「讓我哋喺曖昧中再次見面吧。」間接接受咗朴寶劍。
而噚晚第6集,喬妹同朴寶劍關係再有進一步發展,兩人展開甜蜜約會,喬妹更主動蹺住朴寶劍,朴寶劍又拖實喬妹手仔散步,真係甜蜜滿瀉。而今集必睇位就梗係最尾個幕,當喬妹喺記者會上被記者追問緋聞嘅事情時,由於記者指朴寶劍係跟蹤狂,喬妹決定唔再收收埋埋,喺現場咁多位記者面前直認同朴寶劍係曖昧嘅關係,擺明就係公開認朴寶劍係男朋友啦。而下周播出嘅第7集同樣精彩,兩人會甜蜜玩自拍,喬妹仲第一次有想成為自己人生嘅主人嘅想法,唔想再為任何人而放棄自己人生。
其實港劇迷每星期追兩集《男朋友》追得好吊癮嘅話,可以得閒就煲返兩位主角嘅舊劇,好似喬妹前年憑《太陽的後裔》回歸公仔箱,因為《太陽》喺各地都勁受歡迎,即時被封為神劇,而朴寶劍前年亦同樣拍咗一齣叫好又叫座嘅劇集《雲畫的月光》,呢兩齣劇同樣喺「「黃Viu煲劇平台」全劇免費睇。
另外,「黃Viu煲劇平台」除咗有韓劇煲外,都仲有好多唔同種類嘅劇集及節目,好似有中港台劇《蝕日風暴》及《扶搖》,又有日本動畫《海賊王》、日劇《大叔的愛》等追看,連埋亞洲綜藝、泰劇等,全部節目都免費任睇。

精選韓流,喺晒《娛果》
http://fb.com/appledailyent
empty
噚晚一集《男朋友》好sweet
empty
兩人又蹺手又拖手
empty
喬妹公開認同朴寶劍玩曖昧
empty
《太陽的後裔》喺「黃Viu煲劇平台」免費睇
empty
仲有《雲畫的月光》