Jacqualine在台灣一間國際會計師行從事培訓工作,坦言薪金與香港或其他地方「差一大截」,但「台灣搵、台灣使」,已足夠開銷,具海外學歷、專業資格港人在台找工作不算難,不過她提醒港人若決心定居台灣,必須調整心態,「唔好諗住要搵好多錢」。
有孩子的Jacqualine指台灣教育制度完備,「唔使好似香港咁,要擔心個小朋友冇書讀,周圍撲!」她說移居台灣的港人朋友,一般不急於置業,「好多人都係同朋友夾份租屋,每個月畀幾千蚊台幣搞掂」。
在台北定居逾十年的簡小姐也說,初定居台灣的港人一般先租後買,「台灣嘅租金同樓價都平過香港,可以搵房屋仲介公司幫手搵,亦可上網搵屋都得」。她提醒擬在當地置業的港人,當地部份銀行不接納非台灣永久居民做樓宇按揭,「要有台灣永久居民做擔保」。
簡小姐續稱,台灣人重禮儀及人情味,「只要以禮相待,台灣人都樂意幫你,但當地政府同機構好多嘢都未規範化,每個人都有唔同嘅理解,慣咗快速有效率嘅香港人,要畀啲耐性,學識慢活」。
■記者譚靜雯