韓國女團TWICE前日飛去美國紐約參加KCON，到埗後成員先去市中心周圍遊覽當遊客，當中台灣成員周子瑜跟定延一齊行時代廣場時，就未有被人認出。

於噚日公開嘅直播短片中，素顏嘅子瑜孖定延行時代廣場，遇到有人表演TWICE嘅人氣歌《TT》，子瑜及定延就行埋去跟住大家一齊睇，不過唔知係唔係冇化妝嘅關係，二人於人群中一直未有被認出。不過定延就好享受當遊客嘅身份，一路行一路拍，反而子瑜就比較拘謹。