【18:33更新】女傷者姐姐杜穎雯補充，剛才問了醫生，指細妹已經度過「最危險嗰期，暫無生命危險，但未過危險期。」又表示醫生畀阿妹可以飲幾啖水，家人見妺好轉，都好開心。
【17:40】女傷者情況略好轉，由深切治療部轉至加護病房(綜合外科病房)留醫
【17:27】更新內容

昨晨葵涌梨樹路恐怖車禍的女傷者杜穎楠，送院搶救後一度留醫深切治療部，至下午5時許傳來好消息，她的傷勢已略為好轉，一度升高的血壓亦降低，已由深切治療部轉至加護病房(綜合外科病房)留醫。其年長3年的姐姐杜穎雯表示，事發後熱心市民紛紛留言祝福及支持，「係集咁多人嘅力量同祝福，先至令到佢(妹妹)喺咁唔穩定嘅情況下，可以咁快出到嚟，去返一個穩定啲嘅加護病房。」家人懷着感恩心情，亦相當感動。

記者金敏琍

今早全家人到場探望，杜姐表示，妹妹左膝以下需截肢，右腳股骨、大腿多處骨折，右前腳掌被輾碎亦要切除，目前未過危險期但清醒，需密切監察傷口的發炎及血管擴張情況，若傷口血流不止，會危及生命。

杜姐憶述探病時，妹妹的表現堅強，指她雖然只有90多磅，但盡顯偉大母愛，明知自己失去左腳，但見到家人卻一句都沒問及自己傷勢，反而心繫愛女，不停追問女兒情況，又交代女兒照顧事項，更為將來做好打算，詢問家人：「我有冇機會用到義肢？」

至於女傷者兩名女兒，杜姐指幼女未懂事，探病時仍天真瀾漫，但杜姐指親歷意外的長女誤認她作母親，對她說：「媽媽，腳腳痛痛」。

杜姐指家中有4姐弟，女傷者穎楠排第二，對下仍有兩名弟弟，姊弟間感情要好，全家人都對穎楠痛愛有加。她指妹妹性格樂天，對於今次意外，杜姐自言不敢想像，慨嘆：「我以為只會在報紙見到，冇諗過咁輕易發生自己身上」。她指妹妹更事事以家庭為先，著家人不要過勞，不用全部人請假探病，「佢冇對屋企人呼天搶地，對屋企人幫咗好多」。但由於杜女注射了嗎啡止痛，故她今日較為疲倦。

杜姐透露，妹妹與丈夫是青梅竹馬，結婚11年，在花墟經營批發花店，兩夫妻一直喜愛小朋友，惜多年苦無所出，但皇天不負有心人，繼2年前誕下首位千金後，年前再添一女，兩女兒馬上集萬千寵愛在一身。杜姐稱，原本妹妹還想添一胎，但突遭受橫禍，現恐要打消念頭。

她又指一家人關係密切，每年8月家父生辰更會全家人旅遊，今年原已預訂好往日本的行程，令妹妹慘遭橫禍，全家一致決定取消行程，陪伴在妹妹身邊，她探病時亦向妹妹承諾：「唔會得一個人，我哋會陪住你行﹗」

你敢爆，我敢獎！ 即Call《蘋果》24小時爆相爆片熱線 ：63836568