韓國MBC電視台早前經歷大規模罷工，多個人氣綜藝節目如《無限挑戰》、《我獨自生活》、《黃金漁場Radio Star》等都要停播，不過好彩罷工已經結束，節目亦已經恢復播出及拍攝。

《我獨自生活》噚晚播出韓劇《W》男星李施彥與韓流天王Rain見面嘅內容，唔講真係唔知原來佢哋咁老友。李施彥喺節目中問Rain：「婚姻生活點？係咪好開心？」，聽到愛妻金泰希時，Rain立即露出一臉幸福嘅表情，隨後李施彥叫Rain當晚唔好返屋企，兩人繼續玩天光，不過Rain就拒絕咗李施彥嘅提議，似乎想返屋企陪老婆。而節目其他主持人包括全炫茂、韓惠珍、朴娜萊等人立即對李施彥笑言：「屋企有金泰希，點解要陪你去玩？」引起爆笑。

雖然Rain要睇時間返屋企，但都有陪李施彥去唱K，Rain問李施彥鍾意咩藝人時，李施彥搞鬼表示鍾意元祖女團S.E.S成員Shoo、Eugene及金泰希，Rain立即扮嬲叫李施彥出去，可見兩人感情相當好。

更多韓流，喺晒《娛果》
http://fb.com/appledailyent