中旅(308)由今年11月發力,短短個幾月狂升50%,買九洲發展(908)博中旅翻版。九洲喺祖國主打「主題公園」業務,兼屬市場熱炒嘅紅籌窗口股,遲早辣起。
九洲現價0.8元,相對NAV1.1元,折讓27%,而中旅現價係NAV嘅1.38倍。又中旅06年度預期PE講緊27倍,九洲預期PE講緊15倍水位,九洲平到痹。
再講,10月中有報道,話九洲正就酒店及旅遊業發展進行土地規劃,唔排除引入世界級品牌酒店合作。家陣喺九洲度假村附近,就有多達170萬平方呎待開發土地,project應該唔嘢少。九洲有消息跟尾之餘,市值遲早三級跳。博九洲翻半番見1.2元,到時,目標價都係同NAV睇齊,預期PE22倍。