【英聯盃】南岸打吡引發騷亂 球迷揮拳毆警馬被捕
蘋果日報 2019/09/25 20:10
修咸頓樸茨茅夫英聯盃球迷騷亂
英超球隊修咸頓喺周二嘅英聯盃第三圈賽事就以4:0大炒宿敵樸茨茅夫晉級，不過賽後就發生咗球迷騷亂，其間有樸茨茅夫球迷竟然一拳打落英國警方嘅馬匹個頭度，認真唔要得！
修咸頓同樸茨茅夫兩支同屬英國漢普郡嘅球隊一直都係世仇，今次英聯盃上演嘅「南岸打吡」更加係兩支球隊相隔超過七年之後再次碰頭，仇人見面更係份外眼紅。不過而家喺英甲作賽嘅樸茨茅夫實力今時唔同往日，即使有主場之利最後都以0:4慘敗於宿敵腳下。
不過完場之後仲有「Part 2」，雙方球迷賽後喺場外互掟雜物攻擊，場面非常混亂。警方要出動騎警同警犬驅散球迷，不過有一位著住藍衫，懷疑係樸茨茅夫嘅球迷就似乎失晒理性，竟然一拳打落警馬個頭度，好彩隻馬應該冇受傷。騎警之後一路追住涉事球迷，最終佢喺大約50米外被其他警察制服。愛隊輸波失望其實可以理解，不過都冇理由將忿怒發洩喺其他人身上，無辜嘅動物就更加唔應該啦！.
修咸頓在周二的南岸打吡以4:0大炒宿敵樸茨茅夫