【最靚身形着婚紗】卓韻芝聽日出嫁 無懼最強颱風「山竹」殺到

蘋果日報 2018/09/14 11:03

卓韻芝山竹梁子賢最強颱風中環外國記者會
    【新增內容】
    最強颱風「山竹」逐漸逼近香港，來勢洶洶，巿民都好關注，大家都開始做好準備，天文台最快今晚會發出1號戒備信號，仲預計受山竹外圍下沉氣流影響，今日同聽日天氣酷熱，聽日最高氣溫達35℃，但晚上天氣就會轉壞。偏偏39歲嘅卓韻芝就聽晚出嫁，阿芝嫁畀34歲做電影美術嘅未婚夫梁子賢，佢哋喺中環外國記者會舉行婚禮，屆時阿芝婆婆做證婚人，阿芝仲邀得伯樂俞琤做主婚人，姊妹團有鄭秀文（Sammi）、蔡卓妍（阿Sa）、梁詠琪等，周勵淇（前名周麗淇）因工作要甩底。
    阿芝話婚禮從簡，佢覺得唔使太隆重，只想同好友一齊瘋狂gathering一晚，佢話：「婚禮的目標，並非大家氹我開心，而是一起慶祝愛，互氹開心。招呼唔到，大家飲多杯啦！」（新聞連結： https://bit.ly/2NKsTRC）
    阿芝口口聲聲話唔緊張，但人生大事，佢都有熱烈參與，佢日前喺Instagram貼咗一對結婚公仔嘅相，阿芝留言：「他叫他們做BB，#BB的頭紗他弄了一夜哦。」阿芝言語間洩蜜，估計呢對公仔係準新郎梁子賢親手製作，因為佢好有心思，連求婚戒指都親手造畀阿芝，準新娘隔空一句「快啲嚟接BB啦」，聽日無論任何天氣，梁子賢肯定都去接佢個BB芝啦。
    阿芝喺婚前一日，繼續keep住呢個興奮心情，今日佢喺ig貼咗張做GYM相，見佢露出超靚人魚線，留言話：「冇呃冇氹冇花冇假，I am ready for the 婚紗！」
    精選娛聞，喺晒《娛果》
    http://fb.com/appledailyent
    empty
    雖然聽日打風,但卓韻芝婚期不改。
    empty
    卓韻芝喺Ig貼出結婚公仔。(Ig圖片)
    empty
    卓韻芝聽日升呢梁太。
    empty
    卓韻芝婚後同老公及婆婆一齊住。
    empty
    卓韻芝同婆婆感情很好。
    empty
    佢話準備咗最靚身形着婚紗。