當年今日
關於我們

環宇海灣首批折實均價$88xx 銷監局稱會了解

蘋果日報 2014/05/15 06:00

環宇海灣

長實荃灣新盤環宇海灣就快賣,無論準買家定地產代理,都好心急想知個盤開咩價,之前有區內地產代理向客戶指個盤大約開價9,000至一萬多元,其言論於網上討論區轉載,豈料火速被刪除,啱啱又有人在討論區爆料,指屬長實最新內部消息,環宇首批折實均價$88xx,屬內部機密!干﹝千﹞真萬確!唔中勿插!

我哋問過地監局,佢哋回覆話如果上述人士無表明係地產代理身份,就唔屬佢哋監管範圍。而銷監局就回應話,根據一手住宅物業銷售條例,任何人士在賣方未提供一手住宅物業的售價前傳布有關住宅物業的售價、參考價、折扣及/或任何贈品、財務優惠或利益,有關行為可能屬失實陳述或傳布虛假或具誤導性資料。銷售監管局會進行了解。