「其實之前房屋署都畀過一個單位我哋,不過我因為冇錢搬屋而放棄咗,如果今次再唔搬,唔知要等到幾時先有機會,加上𠵱家住呢度地方好窄,品流複雜,兩個女慢慢長大,我希望畀個好啲嘅居住環境佢哋。」阿清說。
站在阿清旁邊的幼女聽到母親談及新屋的事,亦難掩興奮神色說:「我好鍾意間新屋呀,因為大過呢度好多,呢度車聲好嘈㗎,有時嘈到瞓唔着㖭。」
遭夫虐打受傷
阿清與前夫於八八年結婚,育有兩名現年八歲及十二歲女兒,初期雙方相處融洽,阿清以為找到終生伴侶,豈料年前阿清發覺其夫另結新歡,導致兩人關係破裂,阿清更曾遭人虐打受傷,她為兩名女兒着想,無奈之下只得選擇離婚,三口搬到一個唐樓套房居住,依靠綜援金維生。
「離婚唔單止對我打擊好大,兩個女亦都受到好大影響,有邊個唔想一家人開開心心生活,𠵱家佢哋冇咗爸爸,真係好痛苦。」阿清含着淚說。
為了提供一個良好的居住環境,好讓女兒健康成長,阿清四年前入紙申請公屋,近日終獲批核,她與女兒看過新居,感到十分滿意。然而,阿清算過度過,知道單憑一份微薄綜援金,根本難以負擔龐大的搬遷開支。