三十四歲的阿榮,經過多次的化療,原本烏黑濃密的頭髮脫掉了大半,他索性將頭髮剪成平頭裝,惟煩惱和憂慮卻未因此而稍減。
「醫生話我暫時可以壓住啲癌細胞,𠵱家重有一期化療要做,不過化療好辛苦,唔單止甩頭髮,重會嘔、冇胃口、嘴爛、發燒、喉嚨發炎同埋冇晒抵抗力,食嘢都冇晒味覺。」前後做過三次、為期七個月化療的阿榮說。
「感覺好似做戲」
前年八月,原在酒吧任職的阿榮持續發燒及頭暈,經私家醫生診斷後,只當普通感冒治理,惟病情沒有好轉,他遂往醫院接受詳細檢查,赫然得悉患上急性血癌的噩耗。
「我當時第一個反應就係叫醫生驗多次,感覺好似做緊戲咁,重忍唔住喊咗出嚟,點解我咁後生會有呢個病?之後幾個月心情都平復唔到。」阿榮說。