D3大受歡迎，據記者觀察該遊戲擁躉除了年輕一輩，還包括不少白領一族；每到下班時間，便會湧到網吧「爭機打」。其中有人為刺激，有人為賺錢。
任職銀行的OLVicky，自言為刺激玩D3；「情侶檔」郭氏男女表示打機既是樂趣亦當拍拖。而22歲從事設計的阿興，更每天打足6小時，衝到最高等級仍不收手，目標是拿到「神裝」供遊戲角色使用。

多為12年前玩家

對於玩家年齡偏大，D3國際版香港總代理智高遊戲科技助理總經理劉小姐稱，D3的市場定位和一般遊戲不同：「平時targetgroup（目標消費群）係廿歲以下居多，但D3我哋定喺20至30歲，佢哋好多都係12年前D2嘅玩家，甚至好多40歲以上嘅人都會問我哋幾時有貨。」
她指D3全球發行首日頃刻售罄，銷情熱烈程度相當罕見，不少玩家要繼續等。她已要求開發商盡快供貨，期望本月中再度應市。
對於有機迷「打機搵食」，經濟學者關焯照直言不是辦法，「虛擬物品嘅需求只係一時；當需求冇咗，就冇咗個實際價值，唔可以當長期收入。」
《蘋果》記者