母女內地遇賊
Rain失飯盒媽媽力保金鏈

蘋果日報 2005/12/21 08:00


李彩華(阿Rain)的媽媽日前獨自到廣州探親,當日中午時分,在熙來攘往的街道上,竟被當街搶金鏈,幸好金鏈被珠片上衣勾着,沒有損失財物,只是虛驚一場。
李媽媽日前回憶遇搶匪猶有餘悸地說:「我突然發現有個男人行近,佢好快咁伸手大力扯我條金頸鏈,結果我感覺條鏈同玉墜都跌咗,嗰個人就係好快咁走開。」
李媽媽驚魂甫定後,發覺上衣的珠片勾着那條金鏈和玉墜,算是不幸中之大幸,李媽媽說:「我又唔覺自己唔好運,反而覺得個賊行衰運。」
對於媽咪被搶劫,阿Rain並沒有顯得太過擔心,她還說:「因為我都試過喺內地做嘢時俾人偷銀包,好彩當時一大班朋友跟喺後面,朋友即刻發現,我哋重當場捉住個賊仔,將佢交咗畀公安處理。」
不過最搞笑的一次,阿Rain謂自己俾人搶飯盒,結果要再買外賣醫肚。阿Rain說:「內地嘅治安真係比香港差,所以上親內地工作,我啲財物都盡量唔露眼,費事引人犯罪。」
採訪:比華利