早前特高娛樂制作有限公司喺fb專頁，正式公佈台灣天團五月天今年同港迷嘅「五月之約」，落實喺香港迪士尼幻想道露天場地，即旅遊巴士停車場舉行，日期將會喺5月4、5、6、11及12日 (五場)，共五場嘅演出。

今次五迷嘅機會嚟喇！今日特高娛樂制作有限公司喺fb專頁公佈咗呢個可以容納大約兩萬人嘅場地嘅座位表，今次五月天採用咗單面台設計，配上兩條延伸台穿梭喺前排＄1180嘅VIP位，另外有八區$880嘅座位分別分散喺VIP區嘅兩側及後方，再之後就係$680嘅地下企位及梯型座位，仲有最尾$480嘅「山頂區」。

留意返今次因為採用單面台，加上喺企位離舞台比較遠，身高上冇乜優勢嘅朋友可能會喺企位或者靠後嘅座位上唔可以全面欣賞到演唱會，另外場地兩側嘅梯型座位比起一般場地更側，想買飛嘅朋友記得留意返。

精選娛聞，喺晒《娛果》
http://fb.com/appledailyent