當年今日
關於我們
【SMAP三子回歸】香取 草彅 稻垣獲強國公司揼本合體 開埋微博攻大陸
蘋果日報 2017/09/22 12:13
草彅剛
SMAP
稻垣吾郎
香取慎吾
三子今日透過律師終宣佈已再度合體。
日本組合SMAP出道26周年,三位成員草彅剛、香取慎吾及稻垣吾郎最後選擇離巢,另外兩位成員木村拓哉同中居正廣則繼續效力尊尼事務所,令SMAP正式成為過去式。
三子日前脫離尊尼事務所後去向令外界關注,當尊尼官網已刪走草彅、香取及稻垣嘅專頁,三子今日透過律師終宣佈已再度合體,並於當地報章跨版刊登大形廣告,三人已開設共同fan club「新地圖」,新公司名叫CULEN,有如傳聞所指,新公司背景據講係來自強國蘇寧,所以今日三人嘅「新地圖」,意思即「NEWS MAP」,今日更火速開設大陸微博帳戶,並同時有一段宣傳片於網上曝光,雖然三子未有亮相,但片段就於找來模特兒出走世界各地,更出現「逃走吧」、「愛自由與和平」等字眼,擺明有弦外之音。
今日三人嘅「新地圖」都已火速開設大陸微博帳戶。
三人已開設共同fan club「新地圖」,新公司名叫CULEN。
同時有一段宣傳片於網上曝光。