呢次真係低處未算低!講緊嘅係韓國男星張根碩狂擺chok樣嘅新劇《漂亮男人》,噚晚第七集雖然佢已經玩敷mask,女主角IU又要俾人畫花塊臉,但收視竟然狂瀉跌到落2.9%,開創咗呢套劇最低收視紀錄!
其實之前《漂亮男人》收視已經慘不忍睹,最低已經去到3.8%,點知噚晚仲跌到去2字頭,不過係個位數字嘅2字頭,對上一套咁差見2字頭嘅韓劇,已經係8年前由鄭麗媛演出嘅《秋日驟雨》。
咁啱得咁橋,鄭麗媛新劇《MedicalTopTeam》之前係呢個時段包尾劇,但多得《漂亮男人》墊底,原來《MedicalTopTeam》都唔算最差,噚晚一集收視有5.3%,而李敏鎬擔正嘅《繼承者們》就冇得輸,噚晚一集高收24.3%。
本報娛樂版舉辦的「萬千星虧頒獎禮」已經來到第五屆,今屆口號為「全民起義,網民話事」,換言之由網民一人一票選出心目中最虧代表,包括男主角、女主角、最虧節目及最虧場面。讀者可由即日起至本月14日、晚上11時59分之前,到以下網址( http://campaign.appledaily.com/tvawards2013 )投票。投票結果於本月16日在本報娛樂版及網上公佈。