雜錦碟好賣的原因,其實一字咁淺「抵」!無他,一隻CD有齊唔同歌手最Hit最好聽的作品,而冧人情歌集就更受歡迎,近期就有兩隻Hit到震的雜錦碟,一隻是收錄了32首國語情歌的《愛情蒲公英》,另一隻是推出了經已兩個月,但仍然熱賣的《LOVE情歌集》。
由4月27日起連續三個星期,《愛情蒲公英》坐穩HMV廣東碟榜的第一位,動人情歌首首都冧死人!第二、三位都是情歌集雜錦碟。另外,據旺角信和回音CD中心的負責人講,呢隻碟好賣指數就排第四。
班後生仔女一般都會捧年輕偶像,TWINS隻《TOUCHOFLOVE》就在信和中心排第二,頭位則被新鮮熱辣的《F4H.K.FantasyLive》霸佔,之前推出的是VCD,今次就輪到CD出場。
記者:招佩珊