【八月十五】有村架純廣告賀中秋 菜菜緒嫦娥look陪賞月
八月十五有村架純嫦娥中秋節菜菜緒
日本人氣女星有村架純近期影視兩忙,佢除咗為TBS電視台10月開播新劇《中學聖日記》擔任女主角外,主演新片《在咖啡冷掉之前》亦剛在當地開畫,故事改編自川口俊和筆下之同名小說,以感人及催淚情節作賣點,演員陣容計有石田百合子、藥師丸博子、松重豐、吉田羊、波瑠及林遣都等,暫定下月在港上映。
廣告方面,有村架純都有唔少大牌代言廣告在手,當中佢演出KDDI旗下au嘅「三太郎」廣告系列就長拍長有,有村架純趁住今日「八月十五」嘅中秋佳節,以輝夜姬造型拍住菜菜緒以「姊妹檔」上陣賀中秋。
呢系列廣告長期高踞好感度CM排行榜,長腿女星菜菜緒在廣告中扮演嘅乙姬公主可算深入民心,一身「嫦娥look」上陣夠晒應節,而「三太郎」廣告系列往年都有趁中秋拍攝特別版廣告。與此同時,吃香廣告界嘅菜菜緒身價已進一步上升,一個代言合約達3,500萬至4,500萬日圓(245萬至315萬港元)。
精選娛聞,喺晒《娛果》
http://fb.com/appledailyent