因出演韓國人氣選秀節目《PRODUCE 101》男團版而以MXM組合出道嘅林煐岷和金東賢，下周一會喺九長舉行見面會，而佢哋亦會於嚟緊嘅周日(24日)到apm舉行簽唱會，提前與港迷慶祝中秋節。

而日前宣佈咗MXM會來港搞簽唱會後，粉絲都好熱情，當中粉絲要喺商場消費500蚊及向救世軍捐款300蚊，先可以換到簽唱會嘅簽名證，而今日簽名證就開始換領，據知今日凌晨1時已有半百粉絲通宵輪候，到今早8時已經有成逾百粉絲排隊，到今日中午12時正式換領80張簽名證時，唔使1個鐘就全部換領完畢。