根據非正式統計，踢波嘅人十個都應該有十個曾經唔滿意球證嘅判決啦，啱啱周六馬來西亞超聯就有球員「教訓」咗球證啦。吉蘭丹鬥霹靂二隊，主隊一次攻勢，個波喺禁區解圍不遠，主隊前鋒Jack Hindle就想補射但就畀球證「單擋」阻住，Jack一時衝動之下就推跌咗球證。好在球證可能都知自己唔啱，就冇出示任何牌畀佢。不過唔少網民都留言話球證業餘，唔應該走入禁區，被人推跌都好合理喎。