杜汶澤同蔡卓妍〈阿Sa〉主演嘅搞笑電影《超級經理人》將喺暑假上映。片中阿澤飾演由收數佬變身成經理人，咁啱同佢現實中曾做收數人嘅事蹟一樣。

今次阿澤喺戲中再「犧牲色相」，露腩又露兩點，戲中嘅阿澤上圍都有返咁上下勁﹗

劇情講述阿澤作為經理人，跟八位女模約法三章，講明受訓期間唔可以發生感情，點知班女模假意色誘阿澤，令佢甘願喺眾人面前任摸兼露點。阿澤事後笑言對於被撫摸嘅感覺，只能用「好爽」嚟形容：「閒時去按摩只有一對手幫我按，今次有8對手，當然『爽到爆』，大家隨便摸，今日『賣大包』。」

另外，同場仲爆「掟蛋糕」同「枕頭大戰」，忌廉加上棉花，當堂令阿澤變成一隻肥白綿羊，狀甚搞笑。


《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp