【行會新貴】民主立場呃唔到人 湯家驊:我代表嘅係一套價值觀
湯家驊行會
因為反對《基本法》23條立法走上政途的湯家驊,2015年離開一手創立的公民黨,及後自立門戶組「民主思路」走中間路線,至林鄭月娥上任特首後,成為唯一有民主派背景的行會成員。走進建制,自言目標是改善民主派與政府關係,為重啟政改創造條件,卻換來「湯家驊不代表民主派」,湯家驊重申過去堅持的民主價值觀從無改變,直指「我代表嘅係一套價值觀」,自問民主立場「呃唔到人」,希望行會內至少有一把聲音可以在政府處理法治問題上作出影響。
湯家驊接受訪問時指,加入行會有三個目標:改善民主派與政府關係、推動重啟政改、多就法律事務提意見。他說,行會不是民選,他當然不能代表任何人,「我代表嘅係一套價值觀」,自問對民主立場「呃唔到人」,相信香港人及北京政府對此都相當清晰,認為林鄭找他入行會已代表一個訊息,希望他發揮某種作用。
他說,討論重啟政改不應有任何前設,如要求先撤8.31框架,就等於問民主派是否堅持公民提名般,無助拉近雙方鴻溝,他希望透過溝通創造條件:「我諗民主黨會係第一個對象,跟住公民黨。呢個係從政治角度睇,唔係人際關係睇。」
林鄭競選特首時從未承諾重啟政改,湯的目標會否只是一廂情願?他說林鄭對於沒把握的事不會輕易許諾,「佢冇同我講:『Ronny你傻啦,唔好搞喇,如果要重啟政改不如唔好入來(行會)』。佢冇咁講!佢冇咁講!」
問及若有政策與自己理念有矛盾時如何是好?湯自言:「我將來可能係一個政治花瓶,講得唔好聽係不歡而散呢,我真係唔敢講、亦都唔敢有任何奢望。我做任何一件事,都係盡力去做,唔一定盡力做就會成功;我喺議會11年,結果要辭去議席退出公民黨,就係一個最好的例子。當然啦,你唔好今日問我你會唔會辭去行會,未入去就講辭職?我唔會啦,一定盡力去做,堅持到最後一刻。」
他承認決定走入建制,以影響政府施政,其中一個代價是不可再隨便對政府政策「說三道四」或唱反調,但他強調,不會推銷他不認同的政策。
港獨風潮下,新一屆政府似無可避免要為23條立法,湯家驊指,政改與23條看似不相干,但其實是環環緊扣,「因為香港未有法律去制裁港獨,所以(中央)覺得普選係危險;香港人就覺得,因為你冇普選 ,所以我要從自決方面諗,呢個係惡性循環的開始」。
湯家驊建議政改、23條立法同步進行,認為未嘗不是解決問題的方向;03年是反23條的大旗手之一,今日對23條立法有否不同想法?湯堅持23條立法不可衝擊《基本法》保障港人的自由,「呢個係冇中間位,係我一貫嘅政治睇法」。