因劇集《吉列合唱團》（Glee）成名嘅女星Charice Pempengco，曾於4年前出櫃，承認自己係同性戀者，日前更將Twitter及Instagram宣布改名為Jake Zyrus：「第一次以Jake身分出文，見到你哋嘅愛同評論，令我受寵若驚，非常開心，最後要講，我愛你哋每一個。」

25歲的Charice於菲律賓出生，自小熱愛唱歌，參與過大大小小嘅歌唱比賽， 2007年於韓國節目《Star King》表演爆紅，之後加入美國演藝圈，後來陸續推出4張專輯，並獲得《吉列合唱團》演出機會。2013年佢出櫃承認自己係同性戀者，喺名嘴奧花雲費（Oprah Winfrey）訪問中表示：「我嘅靈魂係男性。」當時被問到會否變性手術？佢話：「我唔會經過嗰個改變一切的階段，我會剪短頭髮、着男裝，就係咁。」講到性向，佢透露：「10歲時，我發現自己係同性戀。」佢周一刪除過往所有post，改名為Jake Zyrus重新出發，歌迷都紛紛送上祝福。