由「中華全國台灣同胞聯誼會」、「兩岸和平發展聯合總會」、「中華兩岸和平發展聯合會」等組織主辦嘅《兩岸一家親‧共圓中國夢　兩岸交流三十周年紀念大會》今日舉行，出席者包括全國政協副主席董建華、中聯辦主任張曉明同特首林鄭月娥，各大媒體都派人採訪，不過《蘋果日報》記者就被拒諸門外，主辦單位話《蘋果》不在獲邀名單，當然冇解釋原因！

紀念大會大大個標題話「兩岸一家親」，但據報老董上到台，就向台灣民進黨開火，叫對方要「識時務」，唔好做損害兩岸人民感情同中華民族嘅事，要停止台獨、分裂活動，仲話民進黨拒絕承認九二共識，推去中國化政策，係煽動民意對立喎。張曉明入場時都被傳媒問過李剛涉嚴重違紀，當然梗係冇回應。