韓國女團少女時代嘅前成員Jessica早前已宣佈回歸韓國樂壇，會推出新專輯。而佢早前亦已完成KBS嘅美妝節目《BeautyBIBLE2016S/S》，噚日劇組就發佈咗Jessica嘅預告照，照片中Jessica捧住鮮花，以5月新娘嘅姿態出現。

據知呢集會喺今晚播出，為了迎接就快到來嘅結婚旺季，Jessica就會介紹時下流行嘅新娘美妝技巧。同Jessica一同出演節目嘅就仲有Rainbow成員栽經，只見Jessica個新娘look認真美艷，網民都留言話好想見到Jessica做真正嘅新娘，唔知K先生幾時行動呢？

另外，Jessica就喺微博上載自己嘅新相，又留言：「現在再看我嗎？」照片中Jessica大晒佢左邊臉，唔少網民都留言話：「果然係左臉女神」、「姐姐真漂亮」、「當然在看姐姐啦」等留言。