袁嘉敏（Candy）噚晚以性感大露背打扮，與JessicaC.﹑安志杰及伍允龍等，出席電影《屍城》首映，Candy仲不經意露出西半球，成功搶鏡。

Candy表示近日拍新戲，戲中有裸露場面，問佢係咪露點？Candy尷尬話：「有呀，冇黐乳貼。（感覺點？）拍完自己匿喺桑拿房成個鐘，來來回回熱完又沖凍水涼，迫自己冷靜及與世隔絕，因為好大壓力，未試過拍呢啲戲。」

咁有冇喺桑拿房喊？佢話：「冇嘅，但唔想聽電話，之後仲有呢啲場口，匿埋時候想自己靜下，反省點樣拍好啲。」

Candy又話0依家拍緊室內戲份，之後要拍室外戲份，都好驚凍親。問到有否要求清場拍攝？佢話：「都有，拍嗰時有兩個女工作人員喺度，我話清場，佢哋只行後幾部踎低，我再叫清場，佢哋匿喺窗簾後面，好似唔明清場意思，最後只留低導演﹑監製﹑攝影師﹑助導﹑服裝。」

問到嗰場戲同邊個拍？Candy大賣關子：「唔講得住。（係咪lovescene？）係裸露戲。」