年輕鋼琴家郎朗聽晚喺君悅會有個「明朗歡樂處處聞」慈善音樂會，個音樂會政務司司長曾蔭權太太曾鮑笑薇都有份搞嘅，噚日就喺君悅對開嘅花園搞咗個記招，郎朗阿爸、名二胡手郎國任都有出現撐寶貝仔場，兩人重現場合奏一曲㖭，重有黑人舞蹈員Chantz跳咗part踢躂舞。
噚日記者想問郎朗對黃霑逝世嘅感受，現場公關即時話唔答呢類問題；咁惟有問番個音樂會啦，郎朗話後晚會彈啲浪漫嘅樂曲，好似蕭邦同巴哈嘅作品，重話會多做慈善演出，佢話：「作為音樂家為社會做番啲事係責任，我希望可以一個月做一次慈善音樂會就好啦。」


傳真︰2623-9278
電郵︰[email protected]