林鄭撐腰斬國歌 驅逐拒肅立畢業生 國歌法前哨戰開打?
國歌法林鄭月娥
人大常委會將《國歌法》納入《基本法》附件三,港府期望在明年7月前,向立法會提交法案,本地專上院校港專疑率先「表忠」,明文規定今屆畢業禮出席者聽到國歌要肅立,否則會即時終止典禮。校方日前為驅逐兩名坐在椅上沒肅立的畢業生離場,竟「腰斬」只播放約10秒的國歌;校長陳卓禧更當眾指罵畢業生,批評他們若不清楚校方的「愛國」立場,是「揀錯學校!」特首林鄭月娥昨見記者時,則表明「非常認同和肯定」陳的做法。
學生:……我哋坐低,唔代表我哋唔尊重國歌;唱國歌,都唔代表愛國嘅。我唔明白,點解你哋學校只係因為一首國歌,而將我哋呢一班你哋咁辛苦教出嚟嘅社工學生……拒諸門外……點解要咁樣對你哋嘅學生?
校長:講完喇係咪?……我哋受殖民地政府嘅打壓,我哋資助被取消、我哋校舍被收回,我哋冇放棄過我哋愛國嘅立場!你入嚟嘅時候(指住學生)如果唔知道呢一樣,你就揀錯學校!
學生:我哋唔唱國歌,唔代表我哋唔愛國,正因為我哋了解國情,知道而家中國嘅政權……並唔係為人民服務……我哋作為社工學生,面對服務使用者,我哋更加知道呢個政權,點樣無視人民嘅訴求;我哋就係因為愛國,所以先至企出嚟出聲……
校長:……港專作為一間愛國愛港嘅學校,我哋必定高舉愛國嘅旗幟,呢個係冇妥協嘅餘地!即使喺殖民地嘅年代,我哋都冇因為呢樣嘢而退縮過!
林鄭:……最近港專的一個畢業禮上,仍然有非常少數的學生於奏國歌時,作出一些不尊敬的行為。陳卓禧校長的介入和他的應對,我是充分肯定的,因為國歌是一個國家的尊嚴,所有不尊重國歌的行為,都不應該在香港被容忍。雖然我們未立《國歌法》,但我也希望市民能夠自覺地去維護、尊重國歌,所以尤其是在一個畢業禮這麼莊重的環境,陳校長作出這個的對應,然後亦很有耐性地去跟相關的同學,去解釋他為何這樣做,我覺得是非常值得認同和肯定的做法……