韓國人氣育兒節目《超人回來了》嘅人氣童星高昇材及老竇高志溶，噚日飛抵台北拍攝節目，二人先後於桃園機場、西門町街頭、士林夜市等地被捕獲。

噚日高志溶及昇材於西門町完成拍攝後，先返回酒店休息，之後再去夜市，拍攝前因為落雨，高志溶及工作人員極力說服昇材著雨衣，不過昇材就鬧脾氣拒絕，要老竇高志溶不斷蹲下說服。

另外，昇材於台灣亦似乎非常有人氣，一路上唔少人都認出昇材並大喊佢嘅名。

而於士林夜市拍攝時，昇材就再次鬧脾氣，結果老竇高志溶要去便利店買飲品哄囝囝。父子二人於路邊食完雞排後，就去釣蝦，不過熱愛動物嘅昇材就唔忍心食現烤嘅蝦，最後只好由高志溶一個人食哂啲蝦。

更多韓流，喺晒《娛果》
http://fb.com/appledailyent