年初經已交樓入伙的長實(1113)新盤環宇海灣，陸續有採用建期方案的買家情願唔要幾十萬大定都唔上會。

據成交紀錄冊顯示，去年5月31日首輪銷售時，有買家千辛萬苦以464.9萬揀到的7座8樓D室兩房單位，緊貼F1賽道荃灣路，事隔一年放棄上會，連帶約46.5萬元的大定料遭發展商沒收。

發展商白袋定金之餘，今日更將單位加價至578.6萬元，同時將折扣由當日累計最高15.75%大縮水至4%，折實約555.5萬元，變相加價約19.5%。

另外5座39樓F室買家同樣放棄上會，估計被殺定81.2萬元，長實重推單位同樣加價兼削優惠，變相加價約14.3%。