還有三個月才足兩歲的嘉嘉，眼仔睩睩，人見人愛；可是小嘉嘉生於一個破碎家庭，自父親失蹤後，嗷嗷待哺的她靠母親阿美含辛撫養，生活困苦。因市道不景，阿美至今無法覓得工作，又難長期靠親友接濟度日，現已到山窮水盡地步，欠下三個月屋租及水電雜費，與稚女三餐也成問題。蘋果日報慈善基金即時撥款助她應急。

面容憔悴的阿美，向到訪記者訴說：「我五月份開始冇交屋租，早幾日收到房屋署嘅遷出通知書，要我盡快交租，否則會終止租約同收番我個公屋單位；電話公司見我過晒期未交電話費，索性截斷我條電話線！我尋日去屋邨辦事處借電話，至能夠搵你哋幫助，真係冇其他辦法。」

未婚夫不辭而別
年近四十歲的阿美，曾任職寵物店售貨員、報販、酒樓侍應等，一向努力為口奔馳。
約兩年前，阿美在工作地方認識從事飲食業的劉先生，兩人情投意合，未幾誕下女兒小嘉嘉。阿美為照顧稚女，產後遂停止工作。
可是未婚夫劉先生早前離家不知所終，留下阿美帶着女兒生活陷困。「我想去打工賺錢，要擔擔抬抬都唔介意，但𠵱家真係好難搵嘢做。我又要照顧個女，佢咁細，一定要有人湊同睇實。」