隔牆有耳：fb直播話英國唔會收返香港
若蘭BB 狠傷戀殖心 - 李八方
蘋果日報 2016/08/19 00:00
八方之前都預告過，英國駐港總領事吳若蘭會喺噚日搞facebook直播，回應網民提問。其實前美國駐港領事夏千福早前都試過喺fb直播同網民交流，反應都唔錯，今次輪到若蘭BB上陣，同樣好有迴響，網民熱烈地問佢，香港會唔會「回歸」英國？若蘭BB卻好狠心，送上大檸檬，「UK will not take back Hong Kong.（英國不會收回香港）」唔少小粉絲心傷了，話要放棄對英國嘅幻想……
主持代網民問若蘭BB，究竟英國會唔會收返香港。
話堅持聯合聲明
一如所料，噚日嘅fb live充斥歸英派，唔少人都問若蘭BB，英國幾時收返香港？但網民有心、襄王無夢噃，若蘭BB解釋，查實呢個話題呢，都討論咗幾十年，強調「Hong Kong's place is firmly within the People's Republic of China.（香港肯定屬於中國）」嘩，真係一盆冷水兜頭淋。
回歸近廿年，若蘭BB話香港雖然面對唔少挑戰，但有信心香港同中國都能克服，繼續保持繁榮安定。有網民話英女皇失去咗東方之珠，係時候重歸，咁樣對香港同英國嘅風水都有好處喎，若蘭BB當然唔領情，笑說香港特區政府同中國都會持續有好風水。
有網民就唔客氣，質疑英國政府冇履行《中英聯合聲明》保障一國兩制嘅責任，若蘭BB就唔同意，話英國一直堅持《聲明》所有承諾，每隔6個月都會向英國議會匯報香港最新情況，確保《聲明》得以落實，似乎想證明，喺保障香港人權自由上做咗好多嘢咁噃。
2012年10月3日來港履新嘅若蘭BB，即將離任返家鄉，佢透露返回英國老家後，或會從事歐盟工作，佢寄語接任人多啲走出去跟市民溝通。
回歸近廿年，若蘭BB話香港雖然面對唔少挑戰，但有信心香港同中國都能克服，繼續保持繁榮安定。有網民話英女皇失去咗東方之珠，係時候重歸，咁樣對香港同英國嘅風水都有好處喎，若蘭BB當然唔領情，笑說香港特區政府同中國都會持續有好風水。
有網民就唔客氣，質疑英國政府冇履行《中英聯合聲明》保障一國兩制嘅責任，若蘭BB就唔同意，話英國一直堅持《聲明》所有承諾，每隔6個月都會向英國議會匯報香港最新情況，確保《聲明》得以落實，似乎想證明，喺保障香港人權自由上做咗好多嘢咁噃。
2012年10月3日來港履新嘅若蘭BB，即將離任返家鄉，佢透露返回英國老家後，或會從事歐盟工作，佢寄語接任人多啲走出去跟市民溝通。