年年7.1遊行，各大政團同組織都會參與，同時亦會擺街站籌款，今年法政匯思將除咗積極參與7.1遊行，佢哋喺fb貼出希望所有相信民主、人權、法治和自由嘅香港市民，今日參加7.1遊行，而佢哋仲會喺軒尼詩擺設街站，除咗同遊行人士打氣、派發周年活動報告之外，街站仲會賣由佢哋設計嘅運動毛巾籌款。

呢條毛巾有乜特別？原來條毛巾面印有正義女神圖像，另一面印咗「詞嚴義正宅心寬」，完全反映法律界同法政匯思對法治堅持！呢條毛巾又可以平日用，又可以做裝飾，而且仲係限量500條，賣完就冇。

法政匯思仲特登搵咗「男神」王宗堯同法政匯思自己in-house「男神」梁允信、蔡騏做model，拎住呢條毛巾影相做宣傳，八方睇落又真係幾靚幾型喎！