【新增影片】

美股周三升逾千點，中國銀河國際證券業務發展董事羅尚沛表示美股難估，更坦言「美股而家冇人敢掂佢，琴日升成千點，港股都唔敢來上去」，因為目前有千百種原因令美股波幅變大，而最近就是指美國總統特朗普有意開除美國聯儲局主席，後來財長姆欽又作出否認，令美股反彈，故並非一件事所致。

羅尚沛指出年底美股波幅大，也可能與程式盤買賣有關，「電腦見升到咁樣格梗追」，亦有說法指一些基金公司作出再平衡，即因持有太多債券而買入一些股票。他又指美股會繼續「Chok」，因為特朗普的一句半句說話，隨時會左右大市，也未能預知他將會說甚麼，「佢繼續有嘢講就繼續波幅大，突然之間唔係好講嘢，波幅又會唔係好大，冇得估架而家真係」。

美股的波幅也令香港股民欠缺信心，今日曾升逾200點，惟其後回落至升逾百點，羅說「因為咁癲你點同佢玩，突然之間今晚同你炒咗姆欽，之後炒埋鮑威爾，可能乒鈴嘭唥咁冧」。

他預計明年港股約於24,000點至29,000點水平，但謂「其實呢個預測晒氣，因為特朗普突然之間出兩下招，砰一聲冧落去，或砰一聲衝上去，真係有水晶球都估唔到」，又說明年特朗普因素尤為重要，並建議投資者「第一真係小注怡情」，因為要等待明年首季中美貿易談判的進展，而姆欽一直參與中美談判，若特朗普開除他，談判或出現變數，再加上市場還有很多外來因素或中國因素，所以投資者唯有小注怡情。

investMAN
For People of Style & Substance
掌握理財智慧 感受生活品味
http://facebook.com/investMAN.hk