碧咸嫂Victoria Beckham與韓國天團BIGBANG成員T.O.P日前分別來港出席慈善晚宴,二人趁機巡視個人生意及購物。
早前碧咸嫂與溥儀眼鏡合作推出同名眼鏡品牌,昨早十時,碧咸嫂親到尖沙嘴巡舖,由四名助手及保鑣、現場十名工作人員護送下現身,穿上全黑色連身裙與大褸的碧咸嫂帶着太陽眼鏡,見記者拍照一直保持微笑,逗留約一小時後由溥儀老闆邱子傑夫婦送離店舖。邱子傑與太太盛讚碧咸嫂友善冇架子,邱子傑說:「佢好好,專登嚟1881個舖參觀,睇番佢自己牌子collection,睇番舖頭嘅concept。佢好鍾意,覺得眼鏡擺得好靚,𠵱家佢品牌成個亞洲都好出名。」邱子傑透露碧咸嫂已飛往北京出席他們店舖的活動。