當年今日
關於我們

難忍光脫脫 拒為錢落髮
徐子淇帶胞妹見世面身價高

蘋果日報 2004/08/06 00:00


應采兒、徐子淇與胞妹子欣等昨日在銅鑼灣出席洗髮用品活動。徐子淇表示胞妹以友情價行show,人工比她還要高,但因她經驗少,所以有點怯場。
應采兒、徐子淇、蒲茜兒和林子暄等昨日在銅鑼灣出席Dove護髮用品活動,曬得一身古銅色的應采兒尤為突出。
徐子淇昨日帶同胞妹徐子欣齊齊任示範模特兒,子淇說:「佢今日係友情幫手,人工重高過我,價錢係我嘅十倍,佢冇乜經驗,有少少怯場。」她又評妹妹表現值七十分。

否認車廂打架
徐子淇又透露曾有廣告商出價七位數字利誘她拍洗髮用品廣告,她說:「不過廣告要我剃光頭,我接受唔到,冇頭髮好似冇着衫咁,光脫脫,好唔舒服。」提到男友李家誠收子淇海報亦面紅,她甜笑說:「吓!又面紅,佢又上娛樂版,快啲叫佢上番經濟版啦。」
早前有雜誌指應采兒與男友陸恭和在車廂吵架,激動得互相拉扯,應采兒昨日否認打架說:「好誇張!根本唔係咁,唔係事實,唔係打架,我哋喺車度傾偈啫,基本上張相影到一團黑影,乜都認唔到,話係邊個都得啦!」她又表示向太亦笑報道誇張,她說:「向太重話如果打架就要報警喇,男仔郁手打女仔好易死人㗎,我未試過俾男仔打,打我都一定還手!」

赴美探望家人
有傳應采兒一怒之下搬與名模樂基兒(Gaile)同住,她回應說:「嗰日係約咗去Gaile屋企食飯。」問她是否暫停與陸恭和的同居關係?應采兒說:「我都冇男朋友,佢只係朋友咋!」她又謂與緋聞男友陳冠希甚少聯絡,而她今日將起程赴美探望家人。
採訪:EddieWong
攝影:ChenWaiOn
empty
應采兒昨日否認因陳冠希介入,與男友於車廂內打交。
empty
林子暄昨日有不少fans到場為她打氣。
empty
眾靚女昨日在街頭放氣球作為開show儀式。