吳浩康(Deep)大前日被爆背正印女友鍾舒漫(Sherman)偷食,短短一個月內連𠝹六女,甚至被影到當街啜爆34E巨乳𡃁模Yvette Chow,激到Sherman傷心狂喊拒嫁,Deep事後喺facebook認錯道歉。噚日有讀者爆料,Deep被爆偷食前三日,約咗女友同雙方家長拜年食飯,唔知係咪傾婚事呢,可惜佢行差踏錯令婚事泡湯。
據讀者透露,上周二晚八點幾,喺藍田某酒樓見到Deep同Sherman,同枱仲有Deep嘅爸爸同疑似Sherman父母,座位上有一個生果禮物籃,相信Deep同女友家人拜年,當晚兩家人有傾有講氣氛融洽,估唔到事隔三日,Deep就被爆一個月內速𠝹六女玩偷食。