【夫妻檔再上陣】湯唯以韓文獻sing 撐老公金泰勇新片
蘋果日報 2015/10/30 06:00
蘋果結婚香港湯唯素顏韓國王菲MV金泰勇導演嫁聲線即時色戒翻唱韓語蔡琴娛樂晚秋釜山電影節氣質她的傳說薔薇處處開韓文歌夢中的愛龔秋霞活潑
金泰勇有新作，老婆湯唯當然要撐，今次仲係開聲撐。- 湯唯對住咪唱歌錄音，好認真㗎！（新浪視頻截圖）
- 唔使錄音，湯唯個樣比較輕鬆，對住鏡頭撥頭髮又揮手咁。
- 託金泰勇導演嘅福氣，我哋先有幸見到湯唯呢個甜笑樣。
- 其實湯唯都好努力，自己mark筆記。
- MV入面有湯唯跳脫嘅一面
- 仲扮嘢遮住歌譜
- MV中有金泰勇套新戲《她的傳說》嘅部份場面
- 故事女主角崔江姬個媽媽曾經係海女，失蹤後再現身就變咗隻熊。
- 金泰勇同湯唯再度合作（資料圖片）
嫁咗畀韓國導演金泰勇嘅湯唯，月初先喺釜山電影節度呻過話兩公婆都忙，好少時間見面，但原來呢兩公婆自《晚秋》後靜靜雞再度合作，湯唯幫老公套新片《她的傳說》獻唱，翻唱經典韓文歌《夢中的愛》，MV仲喺今朝曝光！（視頻連結： http://bit.ly/1P12bPc ）
其實呢隻《夢中的愛》都有番咁上下歷史，據知呢首歌原名《夢中人》（唔係王菲嗰隻），係1942年中國電影《薔薇處處開》嘅插曲，由當時嘅著名歌手兼主演該片嘅龔秋霞主唱，後來蔡琴喺80年代翻唱過，亦係聽眾最熟悉嘅版本。而呢首歌喺1955年，被韓國歌手玄仁翻唱成為《夢中的愛》，首歌大熱仲成為韓國歌手熱門翻唱作之一，而湯唯就加入成為其中一位翻唱者。
講番湯唯唱成點，佢用全韓文上陣，金泰勇就話《夢中人》本身係中國經典歌，而湯唯嘅聲線同氣質好夾首歌，所以搵對方嚟唱片尾曲，金泰勇仲話湯唯為咗首歌苦練韓語。至於湯唯就話：「我是有非常努力練習的，不過還是有點害羞和小擔心。」
MV中除咗有電影片段外，仲有湯唯嘅錄音嘅花絮，初初睇到素顏嘅佢着住便服、坐喺咪前好正經望實份歌詞跟住唱，唔使錄音嗰陣就跳跳紮，好鬼活潑！梗係啦，MV係金泰勇拍嘅，湯唯嘅表現梗係唔同啲啦！
其實湯唯唔係第一次開金口獻聲，佢喺同金泰勇套訂情作《晚秋》中，都負責過唱中文主題曲，不過今次唱韓文，真係有新鮮感好多。
其實呢隻《夢中的愛》都有番咁上下歷史，據知呢首歌原名《夢中人》（唔係王菲嗰隻），係1942年中國電影《薔薇處處開》嘅插曲，由當時嘅著名歌手兼主演該片嘅龔秋霞主唱，後來蔡琴喺80年代翻唱過，亦係聽眾最熟悉嘅版本。而呢首歌喺1955年，被韓國歌手玄仁翻唱成為《夢中的愛》，首歌大熱仲成為韓國歌手熱門翻唱作之一，而湯唯就加入成為其中一位翻唱者。
講番湯唯唱成點，佢用全韓文上陣，金泰勇就話《夢中人》本身係中國經典歌，而湯唯嘅聲線同氣質好夾首歌，所以搵對方嚟唱片尾曲，金泰勇仲話湯唯為咗首歌苦練韓語。至於湯唯就話：「我是有非常努力練習的，不過還是有點害羞和小擔心。」
MV中除咗有電影片段外，仲有湯唯嘅錄音嘅花絮，初初睇到素顏嘅佢着住便服、坐喺咪前好正經望實份歌詞跟住唱，唔使錄音嗰陣就跳跳紮，好鬼活潑！梗係啦，MV係金泰勇拍嘅，湯唯嘅表現梗係唔同啲啦！
其實湯唯唔係第一次開金口獻聲，佢喺同金泰勇套訂情作《晚秋》中，都負責過唱中文主題曲，不過今次唱韓文，真係有新鮮感好多。