【問外婆借衫參賽】女學生大媽look演繹《跳舞街》爆紅全日本

蘋果日報 2017/09/03 18:10

荻野目洋子跳舞街Dancing Hero平野Nora
    第10屆日本高校舞蹈大賽已曲終人散，不過有份參賽嘅大阪府立登美丘高校舞蹈部近期引起網民熱話，雖然未能贏得冠軍，但呢班女學生以一身復古look喪跳《跳舞街》日版、荻野目洋子名曲《Dancing Hero》卻贏盡民心，參賽片喺YouTube已多達172萬點擊。
    影片連結： http://bit.ly/2eQvNSt
    大阪府立登美丘高校舞蹈部以《Dancing Hero》再襯瘋狂娘爆勁舞參賽，佢哋以80年代泡沫經濟時代嘅JULIANA風格起舞，其實亦係模仿騎呢女星平野Nora嘅招牌打扮，由於表現合拍又水準甚高，短短幾日已於當地帶來不少話題，原唱者萩野目洋子都喺Twitter留言：「好想去吓學園祭玩，多謝揀呢首歌。」連當地電視節目都有報道，連日來獲不少藝人轉發讚好，平野Nora亦於社交網極力推薦。
    消息獲媒體廣泛報道及網民力推，大阪府立登美丘高校舞蹈部成員及跳舞教練近日紛紛受訪，已經畢業嘅師姐akane就以職業舞蹈員身份擔任僱問，對於獲全日本談論，akane自言感到十分高興，今次參賽係從舞蹈部嘅90成員中挑選出40人出賽，而今次服裝方面，佢就話部份是從網上及古着店購得，更有部份係來自成員嘅媽咪及外婆舊衫。
    《Dancing Hero》原曲係Angie Gold主唱嘅《Eat You Up》，荻野目洋子於85年翻唱成日文版《Dancing Hero》，結果細碟大賣逾70萬張，當年令荻野目洋子殺入各大音樂頒獎禮，還首次出戰樂壇盛事《紅白歌唱大賽》，當然陳慧嫻改編成嘅廣東版《跳舞街》都同樣經典。
    empty
    大阪府立登美丘高校舞蹈部神級演繹《跳舞街》日文版《Dancing Hero》。
    empty
    比賽片段最近熱爆全日本。
    empty
    呢段片喺YouTube已多達172萬點擊。
    empty
    電視節目都有報道。
    empty
    立登美丘高校舞蹈部日前再作公開表演。
    empty
    empty
    荻野目洋子、平野Nora都有轉發及讚好。
    empty
    荻野目洋子名曲《Dancing Hero》歷久不衰。
    empty
    立登美丘高校舞蹈部扮緊嘅係諧星平野Nora之復古形象。