大陸去年實施「禁韓令」、「限韓令」，令到唔少韓星禁絕大陸，搞到班韓星少咗好多搵人仔嘅機會，收入亦即時減少咗好多。

不過凡事仲有例外，早前已傳出「禁韓」有機會解封，當中亦曾有韓星成功到大陸工作，好似之前宋慧喬、秋瓷炫咁都有機會到北京人民大會堂出席國賓晚宴，令中韓關係有望改善。

而今日韓國傳媒就報道CNBLUE成員鄭容和於聖誕節當日開始參與咗中國聽力醫學發展基金會嘅公益活動「愛樂融聆聽計畫-繪出新聲」，活動主要係支援聽力有障礙嘅兒童，幫助佢哋籌集教育及助聽器等經費，鄭容和今次就以服裝設計師嘅身份參與活動。而善長只要捐出善款就有機會抽獎，得獎者就會獲得鄭容和親自設計嘅服飾，今次將會係韓國唯一一位藝人能夠參與活動，可見鄭容和喺當地嘅人氣。

更多韓流，喺晒《娛果》
http://fb.com/appledailyent