【韓流】Wanna One下周港騷推13款商品 福利登記欠透明度
Wanna One
因出演《PRODUCE 101》而出道嘅男團Wanna One將於下周二及三喺香港亞博館舉行粉絲見面會,到時與港迷歡度中秋佳節。
而主辦方今日就公佈Wanna One見面會上嘅周邊商品,當中包括螢光棒、手幅、徽章、T恤等合共13款限定主題商品,等粉絲到時搶購。由於商品數量有限,所以港迷到時要早啲去搶購。
主辦今日宣佈購買商品嘅細節,包括所有周邊商品只接受持門票嘅觀眾選購,每人每票只可購買一次、每人每次可購買多款商品,但同款商品每次最多只能購買兩件。
另外,早前主辦公開見面會嘅福利,當中3號活動一(與Wanna One擊掌)及活動二(Wanna One簽名照、CD、海報)嘅名額已迅速超額完成。不過粉絲就喺主辦嘅Facebook留言炮轟,指使用Gmail、yahoo等電郵地址都唔能夠成功傳送到登記電郵,粉絲質疑唔公平,要求主辦增加派發福利過程嘅透明度。
主辦早前公開見面會嘅福利,今日透過facebook表示名額已迅速超額完成
有唔少港迷炮轟唔公平,指港人常用嘅Gmail、yahoo等電郵地址發送唔到登記電郵