曾與《Running Man》女星宋智孝合作韓劇《天命》嘅38歲男星崔弼立，於2005年出道作《英宰之全盛時代》中被觀眾激讚佢似韓流始祖裴勇俊而為人熟悉。甚有觀眾緣嘅崔弼立今日爆出喜訊，將與拍拖1年嘅圈外女友於11月4號拉埋天窗，獲唔少網民留言祝賀。

據悉未婚妻比崔弼立細9年，任職普通文員，兩人喺教會認識後發展成戀人，拍拖1年決定成婚，婚禮以基督教形式進行，並只邀請親戚好友出席。