當年今日

堅哥與你:陳興濤的專欄 - 葉一堅

蘋果日報 2002/01/03 00:00


好想將《蘋果》做得陽光一啲,開朗一啲,但始終效果不彰。直到陳興濤的故事在二○○二年第一日的《蘋果》頭版出現。
陳興濤曾是四十八間農場餐廳的東主,身家過億。金融風暴之後,他是一名推着車仔喺街邊販賣兒童書籍的小販。
他說,破產使他發覺生命是人生最寶貴的,今時今日反而覺得好景,因為有更多時間陪伴子女,與家人關係更加緊密,沒有物質上的憂慮。
當時心諗:「嘩,條友咁精采嘅!啱嘞……《蘋果》正是欠缺呢類積極勵志的新聞故事!」
負責採訪的同事又對我說:「條友重話喎,你哋《蘋果》社長董橋啲文章曲高和寡;老總堅哥就俗不可耐。」
當時心諗:「嘩!條友咁過癮嘅!搵佢寫番個專欄一定既陽光,又精采又過癮。」
於是,由明日起,陳興濤先生將每日在《蘋果》撰寫專欄,讀者敬請留意。

後記
陳興濤的專欄名稱未定,初步有幾個建議:《破產手記》、《由一億到零》、《由富豪到小販》……他自己建議是《撥着問號尋出一堆感嘆號》。
其實,欄名是甚麼不緊要,最緊要是內容。


堅哥電郵:[email protected]


逢周二、四、六刊出