當年今日
關於我們

郭少芸瘋狂搬米

蘋果日報 2002/01/09 00:00


郭少芸早前為「香泰米業」拍攝了新一輯電視廣告,她以鄭裕玲(嘟嘟)的《一筆OUT消》主持look、髮卷師奶、孖辮學生妹及行政人員四個造型出現。至於酬勞方面,郭少芸表示數目令她足以過肥年。
今次廣告內容,講述買米可換蘿蔔糕,不同身分的女性為攞着數均搏命買米,所以郭少芸於拍攝當晚,要在西環一間超市內不停搬米,她日前說:「成個廣告拍咗一晚,因為我喺廣告入面要瘋狂搬米,搬到對手都幾痛。」

借用鑽石襟針
郭少芸還笑謂要要鳴謝米業老闆娘借出私伙鑽石襟針作拍攝之用,她說:「因為嘟嘟做主持次次都戴心口針,咁我扮佢,梗係要扮足喇!最近我拍咗部電影《豬扒大聯盟》,我個角色都幾有嘟嘟feel㗎。」
採訪:朱芷瑩