現時最新見習生黃俊回港，並派往苗禮德馬房學藝。今朝（12日），這位十磅仔首次在港戎裝試馬，吸引不少傳媒採訪，師傅苗禮德與呢位新收愛徒在晨課上有傾有講，且落足心機指導。

講到苗禮德呢位南非籍練馬師，今早與騎師貝湯美及史卓豐在沙圈雞啄唔斷大談軍情，似乎滿肚密圈，計劃多多咁嘅款，不妨吼實佢地合作嘅座騎，或有意外收穫。

周三（14日）谷中夜賽，苗禮德馬房派出兩駒迎戰，頭場「競駿千里」今朝安排往內圈出踱，而第六場「開心神駒」正是由貝湯美上陣，並在大跑道單試400米。

此兩駒由助手出操時，均見老苗碌大雙眼望到實，重視之情不言而喻，值得參詳一下。